Fel rhywun gyda theulu sy\u2019n tarddu o Dde Asia, mae Mis Treftadaeth De Asia yn rhoi cyfle i mi gymryd seibiant, myfyrio ac ailgysylltu, nid yn unig gyda fy hunaniaeth ddiwylliannol ond hefyd gydag etifeddiaeth a chyfraniadau anhygoel pobl De Asiaidd ledled y DU. Mae\u2019n adeg i ddathlu ein cerddoriaeth, ein bwyd, ein hieithoedd, ein straeon ac yn bwysicach fyth, y gwerthoedd rydym yn eu dal: teulu, gwasanaethu, gwydnwch a chymuned.<\/p>\n\n\n\n
Yn bersonol, dw i\u2019n marcio\u2019r mis hwn trwy fynd yn \u00f4l at straeon fy hynafiaid – ffermwyr, athrawon, entrepreneuriaid, cyn-filwyr, a gweision sifil, a wnaeth ddysgu gwerth gwaith caled a gostyngeiddrwydd i mi. Dw i\u2019n parhau i deithio\u2019n \u00f4l i\u2019r ardal yn rheolaidd, nid yn unig i weld teulu ond hefyd drwy gwaith fy elusen, sy\u2019n cefnogi prosiectau iechyd ac addysg yng nghymunedau difreintiedig ledled De Asia. P\u2019un a yw\u2019n sefydlu clinigau gofal llygaid symudol mewn mannau anghysbell, adeiladu ffynhonnau, helpu plant i gael mynediad at addysg, neu cefnogi teuluoedd gydag anghenion sylfaenol neu gostau priodas, mae\u2019r profiad hyn yn fy atgoffa i fod yn ddiolchgar am bopeth sydd gennyf. Maen nhw\u2019n atgoffa fi o\u2019r cyfrifoldeb rydyn ni i gyd yn ei gario: i anrhydeddu ebyrth y sawl daeth o\u2019n blaenau ni, ac i adeiladu dyfodol gwell i\u2019r sawl sydd i ddod.<\/p>\n\n\n\n
Mae fy nhreftadaeth yn bendant wedi siapio fy siwrne i wasanaethu\u2019r cyhoedd, gan gynnwys fy r\u00f4l fel ynad (ynad heddwch). Er fy mod i wedi cael fy ngeni a fy magu yn y DU, mae gwreiddiau fy nheulu yn rhan o\u2019r byd lle nad yw rheolaeth y gyfraith wedi bod yn gyson neu weithiau heb fod yn hygyrch o gwbl. Wnes i dyfu fyny yn clywed straeon am systemau cyfiawnder lle roedd modd i gyfoeth, braint neu wleidyddiaeth ddylanwadu ar ganlyniadau. Mi wnaeth y cyferbyniadau hyn wneud i mi werthfawrogi system gyfreithiol Prydain a\u2019i hymrwymiad i degwch, ac mi wnaeth fy ysbrydoli i gyfrannu ati. Roedd dod yn ynad yn teimlo fel ffordd naturiol i helpu i gynnal yr egwyddorion o urddas, didueddrwydd a thriniaeth gyfartal i bawb, a dyma\u2019r gwerthoedd rwy\u2019n dod gyda fi i bob ystafell llys rwy\u2019n eistedd ynddi.<\/p>\n\n\n\n