Pa lys ddylwn i wneud cais iddo?
Er bod rôl ynad bob amser yn ymwneud â gwrando amrywiaeth o achosion a defnyddio barn gadarn i wneud y penderfyniadau iawn, mae ynadon yn gweithio mewn dau amgylchedd gwahanol – y llys troseddol a’r llys teulu. Os hoffech ddod yn ynad, bydd angen i chi ddewis pa fath o lys rydych eisiau gweithio ynddo. Yn y naill amgylchedd neu’r llall, bydd gennych ystod eang o gyfleoedd i wneud gwahaniaeth ystyrlon i unigolion, ac i gymdeithas yn ehangach. Mae’r llys troseddol a’r llys teulu yn delio â gwahanol fathau o achosion, ac yn gweithio gyda gwahanol fathau o bobl. Mae ynadon sy’n gweithio yn y ddau fath o lys angen sgiliau, cymeriad a barn gadarn debyg, ond gallai’r diddordebau a’r cymhellion a all eich denu at y naill lys neu’r llall fod yn wahanol.

| Efallai bydd gan ynadon y llys troseddol ddiddordebau mewn Cefnogi cymunedauGweithio gydag oedolion bregusLleihau troseddAdsefydlu troseddwyr Cyn y gallwch wneud cais i fod yn ynad yn y llys troseddol, bydd angen i chi ymweld â llys. Dysgu mwy am y llys troseddol |
| Efallai bydd gan ynadon y llys teulu ddiddordebau mewn Gweithio gyda phlant a theuluoedd sy’n agored i niwedGwneud gwahaniaeth gwirioneddol i’r gymunedAddysg a llesCefnogi plant a theuluoedd drwy amseroedd anodd Dysgu mwy am y llys teulu. |
| Ar gyfer y ddau lys, mae arnoch agen: Deall a gwerthfawrogi safbwyntiau gwahanolGwneud penderfyniadau teg, diduedd a thryloywCyfathrebu â sensitifrwydd a pharchDangos hunan ymwybyddiaeth a bod yn agored i ddysguGweithio ac ymgysylltu â phobl yn broffesiynol |
| Sut mae dedfrydu’n gweithio? Mae ynadon yn gweithio fel mainc (tîm o dri ynad) ac maent yn cael eu cefnogi gan weithiwr proffesiynol cyfreithiol cymwysedig a elwir yn ‘gynghorydd cyfreithiol’ i’w helpu i wneud penderfyniadau. Y Llys Troseddol Dim ond ynadon yn y llys troseddol sy’n rhoi dedfrydau. Gallant ddedfrydu pobl i hyd at 12 mis am drosedd unigol. Gwyliwch sut mae troseddwyr yn cael eu dedfrydu yng Nghymru a Lloegr i roi cipolwg i chi ar y mathau o ddedfrydau y gall ynadon eu cyhoeddi. Llys teulu Er nad yw ynadon yn y llys teulu yn rhoi dedfrydau, maent yn gwneud penderfyniadau sy’n effeithio ar blant sy’n agored i niwed, maent yn cefnogi rhieni sydd wedi gwahanu wrth iddynt wneud trefniadau ar gyfer eu plant, maent yn gorfodi gorchmynion cynhaliaeth plant, ac maent yn helpu i atal cam-drin domestig. |
