Gwnewch wahaniaeth ar Ddiwrnod Gwirfoddoli Rhyngwladol: Dewch yn ynad
Oeddech chi’n gwybod bod dros hanner yr oedolion (57%) yn credu bod gwirfoddoli yn eu cymuned leol yn bwysig? Ar Ddiwrnod Gwirfoddoli Rhyngwladol, rydym yn dathlu pŵer pobl gyffredin yn gwneud pethau anghyffredin. Nid yw gwirfoddoli yn ymwneud â rhoi eich amser yn unig - mae’n ymwneud â llunio bywydau, cryfhau cymunedau, a chreu cymdeithas fwy diogel a thecach. Un o’r ffyrdd mwyaf effeithiol o wneud hynny? Dod yn ynad.
Pwy yw ynadon?
Gwirfoddolwyr yw Ynadon sy’n eistedd wrth wraidd ein system gyfiawnder, gan wneud penderfyniadau sy’n bwysig a helpu i gyflawni cyfiawnder lle mae ei angen fwyaf. Nid oes angen profiad ym maes y gyfraith arnoch – dim ond ymrwymiad i degwch ac awydd i wneud gwahaniaeth.
Mae 14,600 o ynadon eisoes yn cyflawni cyfiawnder mewn cymunedau ledled y wlad, ac mae ymchwil newydd yn dangos y byddai 45% o oedolion yn ystyried gwirfoddoli yn y 12 mis nesaf. Y prif resymau dros hyn? “Gwneud gwahaniaeth i eraill a’r gymuned leol” a “Chwrdd â phobl newydd neu fod yn rhan o dîm.”
Pam gwirfoddoli fel ynad?
Mae ynadon yn gwrando ar achosion llys troseddol a llys teulu yn eu hardal leol, gan chwarae rhan hanfodol wrth leihau ôl-groniadau llys a chadw cymunedau’n ddiogel. Maent yn helpu cymunedau tra hefyd yn dysgu sgiliau newydd.
Minister of State for Courts and Legal Services, Sarah Sackman KC MP, yn siarad am bwysigrwydd ynadon:
Hanes Hilaria: O roi organau i gyflawni cyfiawnder
Ar gyfer yr ynad Hilaria, 53, roedd gwirfoddoli fel ynad yn bersonol iawn. Ar ôl i rywun roi organ i achub ei bywyd, teimlai bod rhaid iddi roi rhywbeth yn ôl:
Mae ei thaith yn atgoffa rhywun y gall gwirfoddoli drawsnewid bywydau – nid yn unig i’r rhai rydych chi’n eu helpu, ond i chi’ch hun hefyd.
Dydw i erioed wedi edrych yn ôl ers hynny. Mae’r rhan fwyaf o bobl yn synnu o ddysgu mai rôl wirfoddol yw hon – ond dyna sy’n ei gwneud mor arbennig. Gall unrhyw un gamu ymlaen a gwneud gwahaniaeth gwirioneddol yn eu cymuned leol.”
Pwy all fod yn ynad?
Nid oes angen profiad ym maes y gyfraith arnoch Mae ynadon yn dod o bob math o gefndiroedd. Beth sy’n bwysig yw meddwl agored, barn gadarn, a y gallu i weithio fel rhan o dîm.
Mae pob ynad yn derbyn hyfforddiant llawn, mentora, a chefnogaeth barhaus gan gynghorydd cyfreithiol, a fydd yn eu helpu i ddilyn y gweithdrefnau cywir. Gwneir pob penderfyniad fel rhan o dîm o ynadon i sicrhau ystyriaeth gytbwys a theg o achosion.
Barod i wneud gwahaniaeth?
Yn ystod Diwrnod Gwirfoddoli Rhyngwladol, camwch ymlaen. Dewch yn ynad i helpu i gyflawni cyfiawnder, cefnogi dioddefwyr, a chryfhau cymunedau.